کابل ( آئی این پی )افغانستان کے دارالحکومت کابل میں سپریم کورٹ کے باہر خودکش حملے میں 12افراد ہلاک اور متعدد زخمی ہوگئے ۔منگل کو افغان میڈیاکے مطابق دارالحکومت کابل میں سپریم کورٹ کے باہرکار پارکنگ میں خودکش حملے میں 12افرا دہلاک اور متعدد زخمی ہوگئے ۔
دھماکے کے بعد سیکورٹی فورسز کے دستے اور دیگر امدادی ٹیمیں موقع پر پہنچ گئیں جبکہ سیکورٹی اہلکاروں نے علاقے کو گھیرے میں لے لیا۔زخمیوں کو فوری طور پر قریبی ہسپتالوں میں منتقل کردیاگیا ہے،ہلاکتوں میں اضافے کا خدشہ ظاہر کیا گیا ہے۔ذرائع کے مطابق خودکش حملہ آور نے چھٹی کے بعد دفاتر سے نکلنے والے سپریم کورٹ کے عملے کونشانہ بنایا ۔تاحال کسی بھی گروپ نے دھماکے کی ذمہ داری قبول نہیں کی ۔
