ڈیووس(مانیٹرنگ ڈیسک) القاعدہ کے سربراہ اسامہ بن لادن کے حوالے سے پاکستان پر الزام لگانے والے غلط ہیں۔ سوئٹزرلینڈ کے شہر ڈیووس میں سابق امریکی سفیرکیمرون منٹر نے جنرل (ر) راحیل شریف کے اعزازمیں دیئے گئے عشائیے کے موقع پر کہاکہ حکومت پاکستان کو اسامہ کی موجودگی کا علم نہیں تھا، اسامہ بن لادن کے حوالے سے پاکستان پرالزام لگانے والے غلط ہیں جس کے باعث پاکستان اورامریکا کے تعلقات کو بھی بہت نقصان پہنچا۔
انہوں نے کہاکہ پاکستان اور امریکا کے درمیان تعلقات میں بہتری کی بہت کوشش کی اوران کوششوں کے اب نتائج سامنے بھی آرہے ہیں۔ کیمرون منٹرنے کہاکہ امریکہ کو پاکستان سے ہمیں مثبت تعلق رکھنے ہوں گے جس سے دونوں ممالک کے درمیان بد اعتمادی کی فضا دور کی جاسکتی ہے ۔اس موقع پر سا کیمرون منٹرنے جنرل (ر) راحیل شریف کی خدمات کو بھی سراہا۔
