جمعرات‬‮ ، 01 جنوری‬‮ 2026 

سعودی عرب سے بڑی خبر تیل کی قیمتوں کو آگ لگ گئی، وجہ کیا بنی؟

datetime 12  جنوری‬‮  2017 |

ریاض (مانیٹرنگ ڈیسک) گزشتہ دو سال کے دوران عالمی منڈی میں تیل کی قیمت حیران کن حد تک گرتی چلی گئی، لیکن بالآخر سعودی عرب کی جانب سے خام تیل کی رسد میں کمی کی اطلاعات سامنے آتے ہی قیمت تیزی سے بڑھنے لگی ہے۔
عریبین بزنس کی رپورٹ کے مطابق ایشیا کو تیل کی سپلائی میں کمی کی اطلاعات سامنے آتے ہی قیمتوں میں اضافہ ہونا شروع ہوگیا، تاہم اس کمی کے متعلق تفصیلات سامنے نہ آنے اور دیگر ممالک کی جانب سے رسد بڑھ جانے کی وجہ سے قیمتوں میں اضافہ قدرے میانہ رو دکھائی دیتا ہے۔
تیل کی قیمتوں کے لئے انٹرنیشنل بینچ مارک برینٹ کروڈ کی قیمت 53.75 ڈالر فی بیرل (تقریباً 5375 پاکستانی روپے فی بیرل) تک پہنچ کر قدرے مستحکم ہو گئی، جو کہ گزشتہ کلوزنگ لیول میں 11 سینٹ (تقریباً 11 روپے)کا اضافہ تھا۔ اسی طرح یو ایس ویسٹ ٹیکساس انٹرمیڈیٹ خام تیل کی قیمت 15سینٹ کے اضافے کے ساتھ 50.74 ڈالر فی بیرل رہی۔
تیل کے تاجروں کا کہنا ہے کہ قیمت میں یہ اضافہ سعودی عرب کی جانب سے ایشیائی ممالک کو خام تیل کی رسد میں کمی کی خبروں کے بعد ہوا۔ رپورٹ کے مطابق فروری کے لئے کئے گئے معاہدوں کے تحت فراہم کئے جانے والے خام تیل میں کمی کی جائے گی۔ یہ اطلاعات بھی سامنے آرہی ہیں کہ سعودی عرب کی جانب سے رسد میں اس قدر کمی بھی ہوسکتی ہے کہ گزشتہ دو سال کے دوران کی جانے والی اوورسپلائی کے اثرات زائل ہو جائیں۔
دوسری جانب امریکہ کی جانب سے تیل کی پیداوار اور برآمدات میں اضافہ جاری ہے۔ گزشتہ روز جاری کئے گئے یو ایس انرجی انفارمیشن ایڈمنسٹریشن کے بیان کے مطابق 2017ءکے دوران امریکی خام تیل کی پیداوار ایک لاکھ 10ہزار بیرل یومیہ کے اضافے کے ساتھ 90لاکھ بیرل یومیہ تک پہنچ جائے گی۔

موضوعات:

آج کی سب سے زیادہ پڑھی جانے والی خبریں


کالم



کام یابی کے دو فارمولے


کمرہ صحافیوں سے بھرا ہوا تھا‘ دنیا جہاں کا میڈیا…

وزیراعظم بھینسیں بھی رکھ لیں

جمشید رتن ٹاٹا بھارت کے سب سے بڑے کاروباری گروپ…

جہانگیری کی جعلی ڈگری

میرے پاس چند دن قبل ایک نوجوان آیا‘ وہ الیکٹریکل…

تاحیات

قیدی کی حالت خراب تھی‘ کپڑے گندے‘ بدبودار اور…

جو نہیں آتا اس کی قدر

’’آپ فائز کو نہیں لے کر آئے‘ میں نے کہا تھا آپ…

ویل ڈن شہباز شریف

بارہ دسمبر جمعہ کے دن ترکمانستان کے دارالحکومت…

اسے بھی اٹھا لیں

یہ 18 اکتوبر2020ء کی بات ہے‘ مریم نواز اور کیپٹن…

جج کا بیٹا

اسلام آباد میں یکم دسمبر کی رات ایک انتہائی دل…

عمران خان اور گاماں پہلوان

گاماں پہلوان پنجاب کا ایک لیجنڈری کردار تھا‘…

نوٹیفکیشن میں تاخیر کی پانچ وجوہات

میں نریندر مودی کو پاکستان کا سب سے بڑا محسن سمجھتا…

چیف آف ڈیفنس فورسز

یہ کہانی حمود الرحمن کمیشن سے شروع ہوئی ‘ سانحہ…