لاہور (آئی این پی)مشہور ریسلر انڈرٹیکر نے اعلان کیا ہے کہ وہ 29 جنوری کو ٹیکساس میں ہونے والے رائل رمبل مقابلے میں شریک ہونگے۔ غیر ملکی میڈیا کے مطابق ورلڈ ریسلنگ انٹرٹینمنٹ (ڈبلیو ڈبلیو ای) کے مشہور ریسلر انڈرٹیکر نے 29 جنوری کو رائل رمبل مقابلے میں شرکت کا اعلان کرتے ہوئے کہا ہے کہ جو ان کیلئے خطرہ بننے کی کوشش کرنے والا اپنی جان سے ہاتھ دھوئے گا۔ انڈرٹیکر نے اعلان کیا کہ میں رائل رمبل کا سیاہ رخ بن کر سامنے آؤں گا اور 29 روحوں کیلئے 29 ہی گڑھے کھودوں گا۔ واضح رہے کہ انڈرٹیکر رائل رمبل مقابلے کے لیے فیورٹ ریسلر قرار دیے جا رہے ہیں۔ اگر وہ اس مقابلے میں کامیاب ہو جاتے ہیں تو وہ ریسل مینیا 33 میں چیمپئن شپ مقابلے میں بھی حسہ لے سکیں گے۔ ریسل مینیا 33 کا مقابلہ 2 اپریل کو اورلینڈو میں منعقد ہوگا۔ افواہیں ہیں کہ ڈبلیو ڈبلیو ای چیمپئن شپ کیلئے انڈرٹیکر اور جان سینا کا مقابلہ بھی متوقع ہے۔