اسلام آباد(مانیٹرنگ ڈیسک) آل راؤنڈر حارث سہیل نے شاندار اندازمیں کرکٹ میں اینٹری مکمل کرلی۔تقریباً ڈیڑھ سال تک کرکٹ میدانوں سے دْور رہنے والے 28سالہ آل راؤنڈر نے قذافی سٹیڈیم میں ملائیشیاء کے خلاف نیشنل کرکٹ اکیڈمی یوتھ کی جانب سے کھیلتے ہوئے 119رنز کی ناقابل اننگز کھیلی اور پھر باؤلنگ کرتے ہوئے 13رنز دیکر 3وکٹیں لیں۔
واضح رہے کہ حارث سہیل نے پاکستان کی جانب سے 22ون ڈے میچوں میں7 ففٹیز کی مددسے 43.00کی اوسط سے 774رنزبنارکھے ہیں جبکہ 9وکٹیں بھی ان کے کریڈٹ پر ہیں۔ انہوں نے آخری بار گزشتہ سال مئی میں زمبابوے کیخلاف لاہور کے مقام ون ڈے میچ میں پاکستان کی نمائندگی کی تھی۔
