کراچی(آئی این پی)کراچی میں پراٹھے لگانے والے کرکٹر کی قسمت کا ستارہ چمک اٹھا ، حنان خان ملائیشیا کیخلاف ٹی ٹونٹی سیریز کھیلیں گے۔ پراٹھے والے حنان خان اچکزئی کو ملا محنت کا صلہ ۔ کراچی کے ہوٹل پر پراٹھے بنانے والا کرکٹر اب ملائیشیا کے خلاف پاکستان کی نمائندگی کرے گا ۔چمن سے تعلق رکھنے والے اوپنگ بلے باز کو ٹی ٹونٹی سیریز کے لئے پی سی بی نے نیشنل کرکٹ اکیڈمی طلب کرلیا ۔ حنان خان پر جوش اور پر امید ہے کہ ملائیشیا کیخلاف جیت کے لئے اہم کردار ادا کرے گا ۔پی سی بی الیون اور ملائیشیا کیخلاف ٹی ٹوئنٹی سیریز کے دو میچز 14 اور 15 جنوری کو لاہور میں کھیلے جائیں گے ۔