اسلام آباد ( نیوزڈیسک ) چیئرمین سینیٹ کے انتخاب کیلئے سیاسی جوڑ توڑ اپنے عروج پر پہنچ گیا ہے ، ملک کی دو بڑی سیاسی جماعتوں نے اپنے امیدوار کی کامیابی کیلئے کوششیں شروع کر دی ہیں ، اس حوالے سے پاکستان پیپلز پارٹی نے آج سربراہی اجلاس بھی طلب کر لیا ہے جس میں سینیٹ کے انتخابات کے حوالے سے سیاسی صورتحال پر غور کیا جائے گا ، پیپلز پارٹی کے چیئرمین آصف علی زرداری اور ایم کیو ایم کے قائد الطاف حسین کے درمیان بھی سیاسی صورتحال پر مشاورت ہوئی ہے اور دونوں رہنماﺅں نے مستقبل کے لائحہ عمل پر تبادلہ خیال کیا ۔