سڈنی(مانیٹرنگ ڈیسک) سڈنی ٹیسٹ کی دوسری اننگز میں پاکستان کیخلاف کھیلتے ہوئے آسٹریلوی اوپنر عثمان خواجہ کی جانب سے نصف سنچری پر خوشی منانے کا انداز بحث کا نیا موضوع بن گیا۔ عثمان خواجہ نے اپنا چہرہ ہاتھوں سے چھپاتے ہوئے بیٹ شائقین اور ساتھی کھلاڑیوں کی جانب کر دیا۔
سڈنی ٹیسٹ میں نصف سنچری عثمان خواجہ کی آٹھویں ٹیسٹ ففٹی شمار ہوئی، ان کے انداز کو شائقین اور ساتھی کھلاڑیوں کی جانب سے سراہا گیا تاہم سوشل میڈیا پر شائقین کرکٹ نے ملے جلے رد عمل کا اظہار کیا، بعض نے اسے پاکستانی ٹیم کی توہین بھی قرار دیا۔
عثمان نے میڈیا سے گفتگو میں کہا کہ ہم تیسرے ٹیسٹ کے دوران اس حوالے سے آپس میں خاصا مذاق کرتے رہے تھے، لہٰذا جب میں ففٹی تک پہنچا تو میں نے بھی جشن کیلیے اسی انداز کو منتخب کیا، میں نے صرف تفریح کی خاطر ایسا کیا، عثمان نے اس حوالے سے اپنی ایک ویڈیو بھی شیئر کی ہے۔

موضوعات:آسٹریلیا پاکستان عثمان خواجہ کرکٹ