اسلام آباد(آئی این پی)تحریک انصاف کے چیئرمین عمران خان نے قطری شہزادے کوخبردارکرتے ہوئے کہا ہے کہ قطری شہزادے کوپیغام ہے کہ وہ بیان دینے نہ آئے،ورنہ جیل میں چلاجائیگا،قطری شہزادے کاخط فراڈ ہے،قطری شہزادہ عدالت میں جھوٹ بولنے پرجیل میں جائیگا،لگتاہے کہ پاناماکیس کافیصلہ 2ہفتے میں ہوجائیگا،نوازشریف نے زندگی میں ایک بارسچ بولاکہ کوئی بھی کرپشن کاپیسہ اپنے نام پرنہیں رکھتا۔

انہوں نے آج یہاں میڈیاسے گفتگوکرتے ہوئے کہاکہ حکومت 8 ماہ سے شریف خاندان کی کرپشن بچارہی ہے۔ملک جیسے چل رہاہے سب کے سامنے ہے۔کابینہ شریف خاندان کو بچانے کےلیے بیٹھی ہے۔انہوں نے کہا کہ پی آئی ڈی میں پریس کانفرنسز کی جاتی ہیں۔شریف خاندان کی پاناما پیپرز میں نشاندہی کی گئی ہے۔ پاناما کیس کی روزانہ سماعت پر سپریم کورٹ کی تعریف کرتاہوں۔

انہوں نے کہاکہ اپوزیشن کا کام ہے نشاندہی کرنا اور الزام لگانا،حکومت کا کام ہے ثبوت دینا ۔مسلم لیگ(ن)کے پروپیگنڈے میں لوگ آجاتے ہیں۔ثبوت ادارے فراہم کرتے ہیں۔کہا جارہاہے کہ اپوزیشن ثبوت نہیں پیش کرسکی ۔انہوں نے کہا کہ کل ثابت ہوگا کہ مریم نواز مے فیئر فلیٹس کی بینی فیشل اونر ہے۔کیس یہ ہےکہ نوازشریف نے کرپشن کا پیسہ باہر بھجوایااور بچوں کا نام لگادیا۔ابھی تو یہ بھی بتانا ہے کہ 34 ملین ڈالر کہاں سے آئے۔پھر قطری شہزادہ بیچ میں چھلانگ مار کر آگیا ۔جب قطری آتا ہے تو انہیں ایک اور جھوٹ بولنا پڑجاتا ہے۔عمران خان نے کہاکہ موٹو گینگ کی جھوٹ بول بول کر شکلیں بدلنا شروع ہوگئی ہیں۔میاں صاحب نے اپنے خطاب میں کہا کہ انسان کرپشن کا پیسا اپنے پاس نہیں رکھتا۔