لاڑکانہ(این این آئی) بلاول بھٹو زرداری کی سکیورٹی پر تعینات پولیس موبائل فوٹ پاتھ سے ٹکرانے کے نتیجے میں ڈی ایس پی سمیت چار پولیس اہلکار زخمی، اسپتال منتقل۔ تفصیلات کے مطابق پاکستان پیپلز پارٹی کے چیئرمین بلاول بھٹو زرداری گڑھی خدابخش جارہے تھے کہ ن کی سکیورٹی کے لیے تعینات قافلے میں پولیس موبائل نوڈیرو بائی پاس کے قریب چنگچی کو بچاتے ہوئے فوٹ پاتھ سے ٹکرا گئی جس کے نتیجے میں خانپور کے ڈی ایس پی نظیر لاشاری، پولیس اہلکار ندیم سمیجو، محمد شریف، محمد نواز لہر اور ہمت علی زخمی ہوگئے جنہیں دیگر پولیس اہلکاروں نے زخمی حالت میں چانڈکا اسپتال کے شعبہ حادثات پہنچایا جہاں انہیں طبی امداد دی گئی۔ ڈاکٹروں کے مطابق زخمیوں کی حالت بہتر بتائی جاتی ہے۔

موضوعات:بلاول بھٹو