ورجینیا(آن لائن)امر یکی صدر باراک اوباما نے امریکی مسلح افواج کی جانب سے ہونے والی الوداعی تقریب میں شرکت کی۔ اوباما کا کہنا تھا کہ امریکی افواج کی قیادت کرنا ان کیلئے اعزاز کی بات ہے۔ امریکی ریاست ورجینیا کے فوجی مرکز میں مسلح افواج کی تقریب ہوئی۔ جس میں امریکی صدر اوباما اور وزیر دفاع ایش کارٹر سمیت فوجی افسران نے شرکت کی۔ تقریب میں فوجی دستوں نے مارچ بھی کیا۔ اس موقع پر خطاب کرتے ہوئے صدر اوباما کا کہنا تھا کہ دنیا کی سب سے بہترین افواج کی قیادت کرنا ان کے لیے اعزاز کی بات ہے۔ انہوں نے ملکی سلامتی کے تحفظ اور دہشت گردی کے خلاف جنگ میں امریکی فوج کے کردار کو بھی سراہا۔
امریکی صدر براک اوباما کی فوجیوں سے ملاقات کی آخری تقریب میں فوج کا اہلکار گر کر بے ہوش ہوگیا۔امریکی میڈیا کے مطابق رخصت ہونے والے صدر اوباما نے آرلنگٹن کے جوائنٹ بیس میں امریکی فوجیوں سے بطور کمانڈر ان چیف آخری خطاب کیا۔ تقریب کے دوران آرمی آنر گارڈ کا اہلکار زمین پر گرا اور بے ہوش ہوگیا، فوری طور پراہلکار کی بے ہوشی کی وجہ معلوم نہیں ہوسکی۔تقریب میں صدر اوباما کو کمانڈر ان چیف کی خدمات سرانجام دینے پر میڈل بھی پیش کیا گیا۔

موضوعات:باراک اوباما