ممبئی (این این آئی)مہندرا سنگھ دھونی نے بھارت کی ایک روزہ اور ٹی ٹوئنٹی ٹیم کی قیادت سے استعفیٰ دیدیا تاہم وہ بطور کھلاڑی ٹیم کیلئے دستیاب ہوں گے۔بھارتی کرکٹ بورڈ(بی سی سی آئی) کی جانب سے جاری بیان کے مطابق دھونی نے بورڈ سے ٹیم کی قیادت سے الگ ہونے کی خواہش ظاہر کی ۔ مہندرا سنگھ دھونی استعفیٰ کے بعد انگلینڈ کے خلاف ایک روزہ اور ٹی ٹوئنٹی سیریز میں ٹیم کے کپتان نہیں ہوں گے تاہم وہ ٹیم کے انتخاب کے لیے دستیاب ہوں گے۔بی سی سی آئی کے چیف ایگزیکٹیو آفیسر راہول جوہری نے کہاکہ بی سی سی آئی اور انڈین کرکٹ کے مداحوں کی جانب سے میں دھونی کا کپتان کے طور پرغیرمعمولی خدمات پر شکریہ ادا کرنا چاہوں گا۔
انہوں نے کہاکہ دھونی کی قیادت میں انڈین ٹیم نے ترقی کی نئی بلندیوں کو چھوا ان کی کامیابیوں کو انڈین کرکٹ میں ہمیشہ یاد رکھا جائیگا۔

موضوعات:مہندرا سنگھ دھونی