گوجرانوالہ(مانیٹرنگ ڈیسک)ترکی میں 4 پاکستانی نوجوانوں کے اغوا کا ڈراپ سین، گوجرانوالہ میں کارروائی کرتے ہوئے ایف آئی اے نے 3 ایجنٹس گرفتار کرلئے۔
ریجنل ایس ایچ او وقار اعوان نے ہنگامی پریس کانفرنس کرتے ہوئے بتایا کہ ترکی میں اغواء ہونیوالے 4 نوجوانوں کو فی کس ڈیڑھ لاکھ روپے وصول کرکے غیرقانونی طور پر ترکی بھجوانے والے 3 ایجنٹس لقمان بٹ، سہیل اور افضال کو گرفتار کرکے ان سے تفتیش کی جارہی ہے۔ملزم لقمان کا بھائی وسیم بٹ ترکی میں مقیم ہے جو انسانی اسمگلنگ کرنیوالے گروہ کا سرغنہ ہے، ملزمان سے تفتیش کا آغاز کردیا گیا، جس کی روشنی میں مغوی نوجوانوں کی بازیا بی کیلئے ایکشن لیا جائیگا۔
