جمعہ‬‮ ، 29 اگست‬‮ 2025 

پاک آسٹریلیا تیسرا ٹیسٹ ،اہم تبدیلیاں،کون کون میدان میں اترے گا؟تفصیلات سامنے آگئیں

datetime 2  جنوری‬‮  2017
ہمارا واٹس ایپ چینل جوائن کریں

سڈنی (آئی این پی ) پاکستان اور آسٹریلیا کے درمیان تیسرا ٹیسٹ منگل سے سڈنی میں کھیلا جائے گا۔ گرین کیپس کو سیریز میں وائٹ واش کی خفت سے بچنے کا چیلنج درپیش ہے،آسٹریلیا سکواڈمیں 2تبدیلیاں کی گئی ہیں ،آل راؤنڈر ہلٹن کارٹرائٹ اور اسپنر او کیف کو ٹیم میں شامل کیا گیا ہے جبکہ پاکستانی سکواڈ میں بھی ایک تبدیلی کا امکان ہے۔ یاسر شاہ کے غیر موثر ہونے پر آسٹریلیا نے آخری ٹیسٹ کے لئے سپن وکٹ تیار کر لی۔آخری ٹیسٹ کیلئے قومی ٹیم نے سڈنی میں بھر پور پریکٹس کی ،کپتان مصباح الحق کا کہنا ہے کہ گرین کیپس کو بولنگ اور فیلڈنگ میں مزید محنت کی ضرورت ہے،آخری ٹیسٹ میں دو اسپنرز کھلانے کا فیصلہ کنڈیشن دیکھ کر کرینگے ۔

تفصیلات کے مطابق پاکستان اور آسٹریلیا کے درمیان تیسرا ٹیسٹ منگل سے سڈنی میں شروع ہو گا، پاکستان کی قیادت مصباح الحق اور آسٹریلیا کی سٹیو سمتھ کریں گے۔ زخم خوردہ شاہین کلین سویپ کی خفت سے بچنے کے لیے میدان میں اتریں گے۔ کینگروز نے میلبورن میں ڈرامائی انداز میں کامیابی سمیٹ کر سیریز اپنے نام کی۔ گرین کیپس بائیس برس سے آسٹریلیا میں ٹیسٹ میچ نہیں جیت سکے ، پاکستان نے انیس سو پچانوے میں وسیم اکرم کی قیادت میں آسٹریلیا کو سڈنی میں چوہتر رنز سے ہرایا تھا۔ اس سے قبلبرسبین میں کھیلے گئے پہلے ٹیسٹ میں کینگروز نے 39 رنز سے، جب کہ میلبورن میں اننگز اور 18 رنز سے فتح حاصل کرکے سیریز 2-0 سے اپنے نام کرلی۔

ذرائع کے مطابق تیسرے میچ میں پاکستانی ٹیم بھرپور تیاری سے میدان میں اترے گئی، جب کہ ٹیم میں بڑے پیمانے پر تبدیلیوں کا بھی امکان ہے، ذرائع کا مزید کہنا ہے کہ قومی ٹیم میں نئے بولرز کو آزمانے کا اشارہ دیا گیا ہے۔ کلین سویپ کی خفت سے بچنے کیلئے شاہین نے گزشتہ روز بھر پور مشقیں کیں۔ یاسر شاہ کے غیر موثر ہونے پر آسٹریلیا نے آخری ٹیسٹ کے لئے سپن وکٹ تیار کر لی۔ سڈنی میں دونوں ٹیمیں اب تک سات ٹیسٹ کھیل چکی ہیں۔ چار میچوں میں میزبان جبکہ دو میں پاکستان فاتح رہا اور ایک ٹیسٹ برابری پر ختم ہوا۔

پاکستان نے سڈنی کے میدان پر آخری بار 1995 میں آسٹریلیا کو ہرایا تھا۔ قومی ٹیم کینگروز کے دیس میں 22 برس سے کوئی ٹیسٹ نہیں جیت سکی۔ اس دوران گرین شرٹس کو لگاتار 11 ناکامیوں کا منہ دیکھنا پڑا۔معروف کرکٹ ویب سائٹ کے مطابق سہیل خان کی جگہ عمران خان یا راحت علی کی واپسی کا قوی امکان ہے جبکہ میدان میں اترنے والے متوقع گیارہ کھلاڑی یہ ہونگے۔سمیع اسلم، اظہرعلی، بابراعظم، یونس خان، مصباح الحق(کپتان) اسد شفیق، سرفرازاحمد(وکٹ کیپر) وہاب ریاض، یاسرشاہ، محمدعامر اور راحت علی۔

موضوعات:

آج کی سب سے زیادہ پڑھی جانے والی خبریں


کالم



سنت یہ بھی ہے


ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…