سرینگر(آئی این پی) مقبوضہ پونچھ کی جنگ بندی لکیر پربھارتی فوج نے مسلسل چوتھے رو ز بھی جنگ بندی معاہدے کی خلاف ورزی جاری رکھتے ہوئے آزاد کشمیر کی شہری آبادی پر بلا اشتعال فائرنگ اور گولہ باری کی۔ گزشتہ روز شاہ پوراورگونتریاں سیکٹروں
میں بھارتی فوج نےخود کار ہتھیاروں کا استعمال کیاجس کے جواب میں پاک فوج نے بھی بھرپور فائرنگ کی۔ گولہ باری کے تبادلہ میں لوگ گھروں میں محصور ہو کر رہ گئے۔تاہم اس دوران کسی طرح کے جانی نقصان کی اطلاع نہیں ہے۔
