دبئی(این این آئی)دبئی میں گزشتہ دودنوں سے گہری دھند چھائی ہوئی ہے اور اس نے ایک چادرکی طرح پورے شہر کو اپنی لپیٹ میں لے رکھا ہے۔

غیرملکی خبررساں ادارے کے مطابق متحدہ عرب امارات کے دارالحکومت ابو ظبی میں بھی گہری دھند چھائی رہی ۔دھند کی وجہ سے دبئی کے ہوائی اڈوں اور ابوظبی کے بین الاقوامی ہوائی اڈے پر متعدد پروازوں کی آمد ورفت میں تاخیر ہوئی اور دونوں شہروں میں شاہراہوں پر ٹریفک بھی جام رہا ۔

اماراتی پولیس نے ڈرائیوروں کو خبردار کیا کہ وہ دھند کے دوران کسی بھی حادثے سے بچنے کے لیے محتاط انداز میں ڈرائیونگ کریں۔محکمہ موسمیات کے مطابق ونوں شہروں کے اندرونی علاقوں میں درجہ حرارت 10 سے 34 ڈگری تک رہا۔