اسلام آباد (مانیٹرنگ ڈیسک)قومی ویمنز کرکٹ ٹیم کے ہیڈ کوچ اور جونیئر سلیکشن کمیٹی کے رکن باسط علی نے سابق انٹرنیشنل کرکٹر محمود حامد کو تھپڑ دے مارا۔واقعہ کراچی میں نیشنل کرکٹ ٹورنامنٹ کے دوران پیش آیا۔محمود حامد نےجیوسوپر کےپروگرام میں ویمنزاورانڈر19 ٹیموں کی ناقص کارکردگی پرتنقید کی تھی جس پرسابق ٹیسٹ کرکٹر باسط علی نےگذشتہ روز کہا تھا کہ وہ خودپر تنقید کرنے والوں سے برا سلوک کرینگے۔محمود حامد نے میڈیا سے بات کرتے ہوئے کہا کہ میں نے اگر کوئی اعتراض کیا تو ٹی وی پر آکر جواب دیتے ،اس کامطلب یہ تو نہیں کہ اعتراض کرنے والے پرہاتھ اٹھایا جائے،باسط علی نےآج مجھ پر ہاتھ اٹھایا ہے کل کسی اورپر بھی اٹھائیں گے۔محمود حامد نے پاکستان کرکٹ بورڈ سے مطالبہ کیا کہ باسط علی کو فوری عہدے سے ہٹایا جائے۔انہوں نے مزید کہا کہ باسط علی تین تین عہدے لےکر بیٹھے ہوئے ہیں ، ہر فورم پران کے خلاف آواز اٹھاؤں گا۔