اسلام آباد(مانیٹرنگ ڈیسک)پیپلزپارٹی نے گزشتہ روزمحترمہ بے نظیربھٹوکی 9ویں برسی پراعلان کیاتھاکہ بلاول بھٹوزرداری بھی موجودہ قومی اسمبلی میں پارلیمانی سیاست کےلئے الیکشن لڑیں گے جبکہ اس کےلئے رکن قومی اسمبلی ایازسومرونے پارٹی کوستعفی بھی جمع کرادیاہے لیکن اب ایک دلچسپ صورتحال پیداہوگئی ہے ۔
تفصیلات کے مطابق قومی اسمبلی ،سینیٹ اورچار وں صوبوں میں پیپلزپارٹی نے پاکستان پیپلزپارٹی پارلیمنٹرین کےنام الیکشن میں حصہ لیااورالیکشن کمیشن میں بھی پاکستان پیپلزپارٹی پارلیمنٹرین رجسٹرڈہےجس کے سربراہ آصف علی زرداری ہیں جبکہ الیکشن کمیشن کے ریکارڈ کے مطابق بلاول بھٹو زرداری پاکستان پیپلزپارٹی کے پیٹرن انچیف ہیں اور اس جماعت کے پاس تاحال کوئی انتخابی نشان نہیںہے
اس لئے اگربلاول بھٹوزرداری الیکشن میں حصہ لیتے ہیں توان کواپنی پارٹی چھوڑکرپاکستان پیپلزپارٹی پارلیمنٹرین کے پلیٹ فارم سے حصہ لیناپڑے گااوران کاانتخابی نشان تیرہوگاجبکہ آصف علی زرداری جوکہ پاکستان پیپلزپارٹی کے شریک چیرمین ہیں ان کوبھی پاکستان پیپلزپارٹی پارلیمنٹرین کے انتخابی نشان تیرپرالیکشن لڑناپڑے گاکیونکہ الیکشن کمیشن میں جوپارٹی بلاول بھٹوزرداری کے نام پررجسٹرڈہے اس کوتاحال انتخابی نشان نہیں ملاہے ۔
