یوکرائن (مانیٹرنگ ڈیسک)یوکرائن میں خطرے کے باوجودوفادار کتا اپنے زخمی ساتھی کتے کو چھوڑنے پر تیار نہیں ہوا، دوستی کی یہ مثال قائم کرنے والے کتے کی سوشل میڈیاپردھوم مچی ہوئی ہے ۔
عام طورپرکتوں کو انسانوں کا بے حد وفادار مانا جاتا ہے جس کی کئی مثالیں بھی موجود ہیں تاہم کتے اپنے ساتھیوں سے بھی اتنی وفاداری دکھاتے ہیں جتنا کہ انسانوں سے۔اس کی تازہ ترین مثال یوکرائن میں دیکھی گئی جہاں ایک کتا ریلوے ٹریک پر ٹرین کی ٹکر سے زخمی ہوگیا اور چلنے پھرنے کے قابل بھی نہ رہا۔
اس ٹریک پر پڑے زخمی کتے کو مصیبت میں دیکھ کر اس کا ساتھی کتا اس کے پاس پہنچ گیا اور دو روز تک وہیں رہ کر اسے ٹرینوں سے بچاتا رہا۔ اس دوران کوئی بھی مقامی شخص پاس جانے کی کوشش کرتا تو زخمی کتے کا یہ ساتھی کتا غصے سے بھونکنے لگتا اور آنے والے کو خبردار کردیتا ۔اس واقعہ کے دورروزبعدریسکیو اہلکاروں نے زخمی کتے کو وہاں سے اْٹھا کرطبی امداد فراہم کی اور بعد ازاں دونوں دوستوں کو ان کے مالک کے حوالے کردیا ۔
