واشنگٹن (آئی این پی ) امریکہ نے اسرائیل کی جانب سے صدر اوبامہ کے خلاف سخت زبان استعمال کرنے پر سخت تشویش کا اظہار کرتے ہوئے کہا ہے کہ صدر اوباما کے خلاف نازیبا زبان استعمال کرنا سراسر ناقابل قبول ہے، ایک اتحادی کو زیب نہیں دیتا کہ وہ دوسرے اتحادی کے لیے ایسی زبان استعمال کرے۔ غیر ملکی میڈیا کے مطابق اسرائیل کی جانب سے امریکا اور اوباما کے خلاف سخت زبان استعمال کرنے پر اسرائیل کے سابق امریکی سفیرنے شدید غصے میں کہا ہے کہ صدر اوباما کے خلاف نازیبا زبان استعمال کرنا سراسر ناقابل قبول ہے سابق امریکی سفیر ڈین کرٹزر نے کہا کہ اوباما کے خلاف استعمال کی جانے والی زبان قابل قبول نہیں ایک اتحادی کو زیب نہیں دیتا کہ وہ دوسرے اتحادی کے لیے ایسی زبان استعمال کرے۔ انہوں نے کہا اسرائیل مغربی کنارے میں جو کچھ کر رہا ہے عالمی برادری کے ساتھ امریکا بھی اس کا مخالف ہے۔

موضوعات:اسرائیل صدر اوباما