لاہور(ویب ڈیسک) سپریم کورٹ کے سینئر ترین جج جسٹس ثاقب نثار کا کہنا ہے کہ اپنی ذمہ داریاں احسن طریقے سے نبھاؤں گا جب کہ عدلیہ کو کوئی میلی آنکھ سے نہیں دیکھ سکتا۔ جسٹس ثاقب نثار کا کہنا تھا کہ ججز کی تقرری سب سے اہم ہے اور جج کا دیانت دار ہونا ضروری ہے، ہمیں اپنے ادارے کا اعتماد اور اعتبار بحال کرنا ہے۔ ان کا کہنا تھا کہ بار ہڑتالوں سے پرہیز کرے کیونکہ بار کے تعاون کے بغیر انصاف کی فراہمی ممکن نہیں۔
“ مجھے جو انعام میرے مولا نے دینا تھا دے دیا اس سے بڑا انعام اس دنیا میں میرے لئے اب کوئی نہیں، اگلا انعام آخرت میں میری مغفرت ہی ہوگا ، اور میں قسم کھا کر کہتا ہوں کہ میں اس آخرت کے انعام پر کسی دنیاوی مصلحت مفاد اور خوف کو اثر انداز نہیں ہونے دوں گا ” جسٹس ثاقب نثار نے کہا کہ اگر میں نے کسی کی دل آزاری کی تو اس پر معافی کا طلبگار ہوں، دعا کریں میں آنے والے وقت میں انصاف کے تقاضے پورے کر سکوں اور کامیاب ہوجاؤں کیونکہ میں دنیا سے مقروض ہو کر نہیں جانا چاہتا۔ انہوں نے کہا کہ عدلیہ پر کوئی دباؤ نہیں ہو گا اور تمام فیصلے میرٹ پر کئے جائیں گے جب کہ کسی کو بھی عدلیہ پر میلی آنکھ سے دیکھنے کی اجازت نہیں ہو گی۔ ‎

موضوعات:جسٹس ثاقب نثار سپریم کورٹ