نئی دہلی (آئی این پی )بھارت نے ایک مرتبہ پھر چین پاکستان اقتصادی راہداری منصوبے پراپنے تحفظات کا اظہار کرتے ہوئے کہا ہے کہ سی پیک منصوبہ کشمیر میں تعمیر کیا جارہا ہے جو ہماری خودمختاری کی خلاف ورزی ہے اس پر شدید تحفظات ہیں۔ بھارتی میڈیا کے مطابق وزارت خارجہ کے ترجمان وکاس سوراپ کا میڈیا بریفنگ کے دوران کہنا تھاکہاقتصادی راہداری منصوبہ کشمیر میں تعمیر کیا جارہا ہے جو ہماری خودمختاری کی خلاف ورزی ہے اس پر شدید تحفظات ہیں۔ نئی دہلی نے پاکستان اور چین کی حکومتوں کے ساتھ اپنے خدشات سے کا اظہار کیا ہے ۔سی پیک منصوبہ بھارتی خودمختار علاقے سے ہوکر گزرتا ہے ۔
واضح رہے کہ بھارت اس سے قبل بھی چین پاکستان اقتصادری راہداری منصوبے پر اعتراضات اٹھا چکا ہے تاہم پاکستان اور چین کی طرف سے ہمیشہ ان اعتراضات کو مسترد کردیاگیا۔ بھارت نے کہا ہے کہ مذاکرات سے کبھی انکا رنہیں کیا پاکستان کے ساتھ کسی بھی معاملے پر دوطرفہ مذاکرات کیلئے تیار ہیں لیکن پاکستان کو مذاکرات کیلئے ساز گار ماحول کو یقینی بنانے کی ضرورت ہے ۔ہفتہ کو بھارتی میڈیا کے مطابق وزارت خارجہ کے ترجمان وکا س سوراپ نے صحافیوں سے گفتگو کرتے ہوئے کہاکہ بھارت نے کبھی بھی پاکستان کے ساتھ مذاکرات سے انکار نہیں کیا لیکن پاکستان اس کیلئے پرامن ماحول کو یقینی بنائے ،پاکستان کودہشتگردی کی حمایت ترک کرنے کی ضرورت ہے ۔وکا س سوراپ نے الزام لگایا کہ کنٹرول لائن پر سرحد پار سے آئے روز ہمارے فوجیوں پر حملے کیے جارہے ہیں اور ہر دوسرے روز دراندازی کے واقعات ہورہے ہیں۔ا یسا ماحول پید ا کیا جانا چاہیے جہاں تشدد اور دہشتگردی کی مدد نہ کی جاتی ہو۔
