اسلام آباد(مانیٹرنگ ڈیسک) آسٹریلیا کے لیے قومی کرکٹ ٹیم کے ون ڈے سکواڈ میں وکٹ کیپربیٹسمین کامران اکمل کی3 سال بعد واپسی یقینی ہوگئی ہے۔پاکستان کرکٹ بورڈ نے34سالہ کامران اکمل کو ٹیم میں شامل کرنے کے حوالے سے گرین سگنل دیدیا جس کے بعد کامران اکمل نے آسٹریلوی ویزے کیلئے درخواست بھی دے دی ہے۔ وکٹ کیپر بلے باز قائداعظم ٹرافی کے حال ہی میں ختم ہونے والے سیزن میں 1035 رنز کیساتھ ٹاپ سکورر رہے تھے جبکہ وہ قومی ون ڈے کپ کے تین میچز میں اب تک 149 رنزبناچکے ہیں۔پاکستان اور آسٹریلیا کے مابین 5ون ون ڈے میچز کی سیریز 13 جنوری سے شروع ہوگی۔