اسلام آباد (مانیٹرنگ ڈیسک) حویلیاں کے قریب طیارہ حادثے میں جاں بحق ہونے والے خاندان کی واحد وارث حسینہ گل کوعلاج کےلئے چترال سے پشاورمنتقل کرنے کافیصلہ ۔ایک نجی ٹی وی کے مطابق حسینہ گل جوکہ خاندان کے طیارہ حادثہ میں جاں بحق ہونے کے باعث شدید دماغی کوفت کاشکارہے ۔
اب چترال ہسپتال کی انتظامیہ نےماہر نفسیات نہ ہونے کی وجہ سے حسینہ گل کوپشاورریفرکرنے کافیصلہ کیاہے ۔ہسپتال اتنظامیہ کے مطابق حسینہ گل شدید صدمے کی وجہ سے ذہنی انتشارکاشکارہے اس لئے اس کوپشاورمنتقل کرنے کافیصلہ کیاگیاہے ۔حسینہ گل کوپی آئی اے کی طرف تین کروڑ بیس لاکھ کی امدادی رقم ملنی ہے جس کی وجہ سے اس کےکئی رشتہ حسینہ گل کواپنے ساتھ رکھنے کی امیدلگائے بیٹھے ہیں گزشتہ روزہونے والے جرگہ میں حسینہ گل نے اپنی پھوپھی کے ہمراہ رہنے سے انکارکردیاتھاجبکہ اس سے قبل وہ والد ایک کزن کے ہمراہ رہنے پرآمادگی ظاہرکرچکی ہے ۔
حسینہ گل کے ان فیصلوں کی وجہ سے ڈاکٹروں نے فیصلہ کیاہے کہ حسینہ گل ذہنی انتشارکاشکارہے جس کی وجہ سے وہ اپنے مستقبل کے بارے میں فیصلہ کرنے کےلئے ابھی تیارنہیں اس صورتحال کے پیش نظرحسینہ گل کاپہلے علاج کیاجائے گاجبکہ حسینہ گل بھی چترال میں رہنے سے انکارکرچکی ہے ۔
