قاہرہ(این این آئی)مصر کے دارالحکومت قاہرہ میں بین الاقوامی ہوائی اڈے کے حکام نے القاعدہ کے مقتول سربراہ اسامہ بن لادن کے ایک بیٹے (حمزہ) کے ملک میں داخلے کی تردید کردی ہے۔
مصری میڈیاکے مطابق ایک عہدہ دار کے حوالے سے اطلاع دی گئی کہ اسامہ کا بیٹا قطر کے دارالحکومت دوحہ سے ایک مسافر طیارے کے ذریعے قاہرہ پہنچا تھا مگر اس کو سکیورٹی حکام نے ملک میں داخل ہونے کی اجازت نہیں دی تھی جس کے بعد وہ ہوائی اڈے سے ہی واپس چلا گیا تھا۔
