کراچی(آئی این پی)انسداد دہشتگری کی خصوصی عدالت نے 22 اگست 2016 کو ملک کے خلاف نعرہ بازی میڈیا ہاؤسز پر حملے اور بغاوت کے2 مقدمات میں گرفتار ایم کیو ایم پاکستان کے رہنماء رکن قومی اسمبلی کنور نوید جمیل کی20 لاکھ روپے کی درخواست ضمانت منظور کرلی ،فاضل عدالت نے مقدمات میں گرفتار ملزمان حسین عالم ،فیصل اور فرید احمد کی درخواست ضمانت مسترد کردی۔
جمعرات کو مقدمات کی سماعت کے موقع پر فاضل عدالت نے ایک مرتبہ پھر ایم کیو ایم پاکستان کے سربراہ ڈاکٹر فاروق ستار سمیت عامر جان ودیگر کے ناقابل ضمانت وارنٹ گرفتاری جاری کردئیے،آرٹلری میدان تھانے میں درج مقدمات میں گرفتار ملزمان شاہد پاشا،قمر منصور ،گلفراز خٹک ودیگر کو عدالت میں پیش کیا گیا۔
