کراچی (آن لائن)پاکستان انٹرنیشنل ایئر لائن(پی آئی اے) نے مسافر کوایئرپورٹ پر چھوڑ دیا اور اس کا سامان ٹورنٹو روانہ کر دیا ۔تفصیلات کے مطابق ٹورنٹو جانے والی پی آئی اے کی پرواز کا مسافرغائب ہونے کے باوجود اس کا سامان روانہ کردیا گیا، انتظامیہ نے پرواز کی بروقت روانگی کے نام پر مسافروں کی سلامتی خطرے میں ڈال دی۔
ذرائع کا کہنا ہے کہ ٹورنٹو جانے والابلال اکبر نامی مسافر خود تو غائب ہو گیا مگر پی آئی اے نے اس کا سامان ٹورنٹو پہنچا دیا ، سٹیشن مینیجر کا کہنا ہے کہ انہوں نے مسافر کو بہت تلاش کیا مگر وہ نہیں ملا تو اس کا سامان بھی آف لوڈ کر دیا مگر دوسری جانب ٹورنٹو کی جانب سے سامان پہنچنے پر مبنی ای میل ریکارڈ پر آگئی ہے ۔یاد رہے کہ ایاٹا قوانین اور پرواز کی سیفٹی کے پیش نظرغائب ہونے والے مسافر کا سامان آف لوڈ کیا جانا ضروری ہے۔