پیرس( آن لائن ) فرانسیسی حکام نے دارالحکومت پیرس کو فضائی آلودگی سے بچانے کے لیے انوکھا اقدام کرتے ہوئے شہر میں دو دن کے لیے کار چلانے پر پابندی عائد کردی۔غیر ملکی میڈیا کے مطابق پیرس کی میئر این ہیڈالگو نے شہری حکومت کے حکام کے ساتھ مشاورت کے بعد شہر میں کاروں پر دو دن کے لیے پابندی عائد کی ہے البتہ پبلک ٹرانسپورٹ پر یہ پابندی نہیں لگائی گئی۔
فضائی آلودگی سے نمٹنے کے لیے جاری کردہ احکامات انوکھی نوعیت کے ہیں جن کے تحت منگل کے روز صرف طاق اعداد پر مشتمل نمبر پلیٹ رکھنے والی نجی کاریں سڑک پر آسکیں۔ جبکہ بدھ کے روز جفت اعداد پر مبنی نمبر پلیٹس کی حامل کاروں کو شہر میں چلانے کی اجازت دی گئی۔اس اقدام کا مقصد شہر میں دوڑنے والی کاروں کی تعداد کو کم سے کم رکھنا تھا۔ پیرس میں آلودگی کی سطح بْلند ہونے پر گذشتہ سال بھی یہی اقدام کیا گیا تھا۔۔

موضوعات:دارالحکومت پیرس فرانسیسی