منامہ (آئی این پی)خلیجی ریاست قطر کے بعد بحرین میں بھی سعودی فرمانروا خادم الحرمین الشریفین شاہ سلمان بن عبدالعزیز کے استقبال کے لیے روایتی قومی رقص’عرصہ‘ پیش کیا گیا۔ شاہ سلمان بن عبدالعزیز نے بھی اس رقص میں بھرپور طریقے سے شرکت کی،سوشل میڈیا پرتصاویر نے دھوم مچادی ۔

عرب میڈیا کے مطابق منامہ آمد پر شاہ سلمان بن عبدالعزیز کے استقبال کے لیے منعقدہ پروقار تقریب میں عرضہ رقص کے موقع پر بحرینی فرمانروا شاہ حمد بن عیسیٰ آل خلیفہ بھی موجود تھے۔بحرین میں الصخیر شاہی محل میں شاہ سلمان کی آمد پر بحرینی فرمانروا حمد بن عیسیٰ آل خلیفہ اور وزیراعظم شہزادہ خلیفہ بن سلمان آل خلیفہ ولی عہد شہزادہ سلمان بن حمد آل خلیفہ اور کابینہ کے دیگر وزراء نے معزز سعودی مہمان کااستقبال کیا۔

موضوعات:خلیجی ریاست قطر شاہ سلمان بن عبدالعزیز