اسلام آباد (مانیٹرنگ ڈیسک) جنید جمشید کی نماز جنازہ کل بعد نماز جمعہ ادا کی جائے گی ۔میڈیا رپورٹس کے مطابق گزشتہ روز طیارہ حادثہ کا شکار بننے والے نامور مذہبی شخصیت جنید جمشید کی نماز جنازہ کل دارالعلوم کورنگی کراچی میں بعد نما ز جمعہ ادا کی جائے گی۔ ان کی میت کو لینے کیلئے مرحوم کے بڑے بھائی اسلام آباد روانہ ہو چکے ہیں ۔مرحوم جنید جمشید چترال میں تبلیغی دورے پر تھے اور انہیں 2 روز قبل واپس اسلام آبا د آنا تھا مگر شیڈول تبدیل ہونے کے بعد انہوں نے گزشتہ روز اسلام آبا دپہنچنا تھا ۔ یاد رہے جنید جمشید اپنی اہلیہ کے ہمراہ پی آئی اے کے اے ٹی آر 47طیارے میں سوار تھے جو چترال سے اسلام آباد آرہا تھا اور راستے میں حویلیاں کے مقام پر حادثے کا شکار ہو گیا جس میں عملے کے 5ارکان سمیت 47افراد سوار تھے۔ان افراد میں 31مرد ،9خواتین اور 2بچے شامل تھے جو لقمہ اجل بن گئے . طیارے میں ڈپٹی کمشنر چترال اسامہ احمد وڑائچ ، انکی اہلیہ اور بیٹی بھی سوار تھے .