اسلام آباد (سپیشل رپورٹ)مراد سعید کا کہنا ہے کہ ان کی ڈگری کا معاملہ غلط طور پر اچھالا جا رہے‘ ان کی تمام ڈاکومنٹس کلیئر اور وہ کورٹ میں جائیں گے۔ انہوں نے کہا کہ جو خاتون ٹی وی چینلز پر ان کی استاد بن کر پیش ہوئی وہ ان کی استاد نہیں ہیں اور انہوں نے کبھی بھی ان سے نہیں پڑھا۔ مراد سعید نے اے این پی والوں کو مخاطب کر کے کہا ”اے این پی والو۔۔میں انتظار کر رہاتھا کہ تم لوگ اپنا اسلحہ ختم کر لو“۔ مراد سعید نے پی ٹی آئی کے فیس بک پیج پر اپنی ڈی ایم سی بھی ثبوت کے طور پر پیش کر دی جس میں ان کا سی جی پی اے 2.2ہے۔ فیس بک پر کمنٹس کرنے والوں میں جہاں کچھ لوگوں نے ان کے2.2 سی جی پی اے کی تعریف کی ہے وہیں بہت سارے لوگ ان کو آڑے ہاتھوں بھی لے رہے ہیں۔

ایک کمنٹ کرنے والے کا کہنا تھا کہ اس سی جی پی اے کے ساتھ ڈی ایم سی ثبوت کے طور پر پیش کرنے سے بہتر تھا کہ ڈی ایم سی پیش ہی نہ کی جاتی جبکہ ایک کمنٹ کرنے والے کا کہنا تھا کہ میرا سی جی پی اے بھی بھائی (مراد سعید) کے سی جی پی اے جیسا ہی ہے۔

ایک اور صاحب کا کہنا تھا کہ” 2.2 سی جی پی والے اسمبلی میں ہیں اور بیچارے 3.6 والے کمٹنس کر رہے ہیں“۔

“ایک کمنٹ کرنے والے نے تو حد ہی کر دی اس کا کہنا تھا کہ ”یار مراد سعید بہت ہی نالائق ہو تم

جبکہ ایک نے لکھا کہ ”یہ رزلٹ اپ لوڈ کرنے سے پہلے کچھ تو سوچ لیتے“۔

 ایک نوجوان نے تحریر کیا ”سوچ رہا ہوں میں بھی ایم این بن جاﺅں کیوں کہ میرا سی جی پی اے مراد سعید سے بہتر ہے“۔

مراد سعید نے اپنے ٹوئٹر اکاﺅنٹ پر جو ڈی ایم سی بطورثبوت شیئر کی ہے اس پر چیئرپرسن ڈاکٹر نورجہان کے دستخط موجود نہیں ہیں۔