واشنگٹن (این این آئی) امریکی صدر ڈونلڈ ٹرمپ کے حامی ساجد تارڑ نے انکشاف کیا ہے کہ وزیرا عظم نواز شریف اور امریکی صدر کا ٹیلی فونک رابطہ انہوں نے کرایا ہے ۔نجی ٹی وی کے مطابق مسلمزفارٹرمپ نامی تنظیم کے عہدیداراورڈونلڈٹرمپ کے حامی ساجد تارڑ نے اپنے حالیہ بیان میں کہا کہ مودی اور ٹرمپ کے رابطے کے بعد نواز شریف اور امریکی صدر کے درمیان رابطے کی کمی محسوس کی جار ہی تھی جس کے بعد دونوں رہنماؤں میں رابطے کا فیصلہ کیا گیا ۔’’نوازشریف اور ٹرمپ کا ٹیلی فونک رابطہ میں نے کرایا ‘‘۔ساجد تارڑ نے کہا کہ جب سیڈونلڈٹرمپ صدرمنتخب ہوئے ہیں وہ پاکستانی حکام سے رابطے میں ہیں اورمستقبل میں مزیداچھے تعلقات قائم ہوں گے ۔