پشاور(این ا ین آئی) فاٹا اصلاحات کے حوالے سے منعقدہ تقریب میں بدنظمی کے باعث گورنر اقبال ظفر جھگڑا تقریب چھوڑ کر چلے گئے۔پشاور کے مقامی ہوٹل میں فاٹا اصلاحات کے حوالے سے تقریب منعقد کی گئی ۔پشاور کے نجی ہوٹل میں تقریب کے مہمان خصوصی گورنر خیبر پختونخوا اقبال ظفر جھگڑا تھے۔ گورنر خیبر پختونخوا تقریب میں شرکت کے لئے پہنچے تو تلاوت قرآن پاک کے بعد ملک خان مرجان وزیر نے جب تقریر شروع کی تو جرگے می شریک نوجوانوں اور عمائدین نے گورنر اور وفاقی حکومت کے خلاف نعرے بازی شروع کی۔ احتجاج کرنے والے عمائدین اور نوجوانوں کا کہنا تھا کہ فاٹا کے پارلیمنٹرینز اور فاٹا اصلاحات کمیٹی کے کسی بھی فیصلے کو نہیں مانتے اور گو ایف سی آر گو کے نعرے لگائے۔ گورنرخیبر پختونخوا تقریب میں بدنظمی پیدا ہونے کے باعث تقریب چھوڑکرچلے گئے۔