لاہور(آئی این پی)پر وفیسر راؤ الطاف اور اداکارہ قسمت بیگ کے قتل میں کیا تعلق ہے؟ڈی آئی جی آپر یشنز کا حیرت انگیزانکشاف،ڈی آئی جی آپر یشنز ڈاکٹر حیدر اشرف نے کہا کہ قتل ذاتی دشمنی کا نتیجہ ہے اور بہت جلد انکے قاتلوں کو گر فتار کر لیا جائیگا ۔
انہوں نے کہا کہ پر وفیسر راؤ الطاف کے قتل میں انکے ہم زلف شامل ہیں اور جہاں تک جرائم میں ملوث افراد کو بھی گر فتار کر لیاجائے گا ۔ قاتلانہ حملہ میں جاں بحق ہونیوالی اداکارہ قسمت بیگ کی بہن اور والدہ نے قتل میں ادکارہ کے سیکرٹری علی رضا پر شک کا اظہار کر دیاجبکہ ڈی آئی جی آپریشنز ڈاکٹر حیدر اشرف نے قتل کو ذاتی دشمنی قرار دیدیا ہے ۔
تفصیلات کے مطابق جمعہ کے روز مقتول اداکارہ قسمت بیگ کی بہن اداکارہ ستارہ بیگ اور انکی والدہ نے نے قسمت بیگ کے سیکرٹری پر قتل میں ملوث ہونے کا شک ظاہر کر دیا ہے اور انکا کہنا ہے کہ علی رضا زخمی نہیں ہوئے پو لیس کو چاہیے کہ انکے چہرے سے پٹی ہٹاکر دیکھاجائے کہ وہ زخمی نہیں ہوئے او ر پولیس ان سے مکمل تحقیقات کر یں جبکہ قسمت بیگ کی والدہ نے کہا کہ سیکرٹری علی رضا کے پاس لوڈ پسٹل بھی موجود تھا مگر اس نے ایک بھی گولی نہیں چلائی
