اسلام آباد(مانیٹرنگ ڈیسک) پاکستان ٹیسٹ کرکٹ ٹیم کے کپتان مصباح الحق کے سسر انتقال کر گئے ، وہ نیوزی لینڈ سے وطن واپس روانہ ہوگئے ہیں، اگلے میچ میں شرکت نہیں کریں گے۔قبل ازیں کرائسٹ چرچ ٹیسٹ میں پاکستان کی نیوزی لینڈ کے خلاف شکست کے بعد میڈیا سےگفتگو میں اظہر علی نے بتایا تھا کہ کپتان مصباح الحق وطن واپس جار ہے ہیں۔ادھرنیوزی لینڈ کے خلاف دوسرے ٹیسٹ میچ کے لیےاظہرعلی کوکپتان نامزدکردیا گیا،چیئرمین پی سی بی نے اظہر علی کوکپتان بنانے کی منظوری دےدی ہے۔
واضح رہے کہ پاکستان تحریک انصاف کے رہنما اسد عمر کے سسر ڈاکٹر سید علی اکبر نقوی انتقال کرگئے۔اسد عمر نے سماجی رابطوں کی ویب سائٹ ٹوئٹر پراپنے سسر کے انتقال کی خبر دی۔اپنے ٹویٹ میں انہوں نے لکھا کہ میرے سسر ڈاکٹر سید علی اکبر نقوی آج صبح انتقال کر گئے۔ وہ میرے لیے سیکھنے کے عمل کا ایک مستقل ذریعہ تھے۔ٹویٹ میں اسد عمر نے اپنے سسر کی ادبی خدمات کا حوالہ دیتے ہوئے کہا کہ ڈاکٹر نقوی نے آرٹ اور ہسٹری پر مستند کتاب ’’امیج اینڈ آئیڈینٹیٹی‘‘ سمیت دیگرکئی کتب لکھیں۔