اسلام آباد( آن لائن )آج کے دور کی مصروف زندگی میں لوگوں کو اپنی مصروفیات سے آگاہ رکھنایا دوسرے معنوں میں سوشل میڈیا پر ’’ایکٹو‘‘ رہنا کسی بھی معروف شخصیت کے لیے خاصا دشوار ہوتا ہے اور عموما اس کام کے لیے ایک ترجمان کی ضروت ہے تاہم اگر کسی کی اہلیہ یہ’’ذمہ داری‘‘ سنبھال لے تو سونے پہ سہاگہ ہوجاتاہے۔دو ٹیسٹ میچز کی سیریز کے لیے نیوزی لینڈ میں موجود قومی ٹیم کے کپتان مصباح الحق کی کی بیوی عظمی ترجمان کی ذمہ داری بخوبی نباہ رہی ہیں ،انہوں کرائس چرچ میں آنے والے زلزلے اور ٹیم کی روانگی کے ساتھ ساتھ تمام صورتحال سے بھی شائقین کو باخبر رکھا اور ٹیم منیجر کی نسبت زیادہ متحرک نظر آئیں ۔