کراچی /نیویارک (مانیٹرنگ ڈیسک)امریکا میں صدارتی جنگ آخر کار ختم ہوگئی اور ڈونلڈ ٹرمپ کی برتری ثابت ہوگئی۔صبح لوگوں کو آنکھ کھلتے ہی یہ اطلاع ملی کہ ڈونلڈ ٹرمپ امریکا کے 45 ویں صدر منتخب ہوگئے ہیں، جس نے متعدد کو شدید جھٹکا دیا اور وہ امریکی انتخاب کے بارے میں سوالات کرنے لگے۔اس حوالے سے پاکستانی فنکاروں سمیت دنیا بھر کی معروف شخصیات بھی عام لوگوں سے الگ نہیں جنھوں نے سوشل میڈیا پر اپنے جذبات کا اظہار مختلف الفاظ سے کیا۔ہولی وڈ میں متعدد اسٹارز نے اپنے پرستاروں پر زور دیا تھا کہ وہ ٹرمپ کو ووٹ نہ دیں اور اب ان کے لیے یہ نتیجہ ہضم کرنا مشکل ہوگیا ہے۔اس موقع پر ہولی وڈ اداکار کرس ایوانز کافی دل برداشتہ نظر آئے، ان کے مطابق یہ امریکہ کے لیے شرمناک رات ہے۔اداکار مارک نے پوری امریکی عوام کو مضبوطی سے کام لینے کی ہدایت کی۔ہیلری کلنٹن کی حمایت میں سر گرم امریکی گلوکار کیٹی پیری نے بھی اپنے جذبات کا اظہار کیا۔اس موقع پر پاکستانی انٹرٹینمنٹ انڈسٹری سے تعلق رکھنے والی شخصیات بھی نہایت حیران نظر آئیں۔گلوکارہ اور راک اسٹار میشا شفی کے مطابق یہ ایک بْرا خواب لگ رہا ہے۔اس موقع پر اداکارہ ماہرہ خان بھی کافی حیران نظر آئیں۔ہدایت کار جامی نے اب سے وائٹ ہاؤس میں خواتین ممبران کی حالت پیش کی۔مزاحیہ اداکار احمد علی بٹ نے اس موقع پر بھی مذاق کرنے سے باز نہ آئے۔

موضوعات:امریکا کرس ایوانز