اسلام آباد(مانیٹرنگ ڈیسک)معروف صحافی حفیظ اللہ نیازی نے اپنے ایک تجزیے میں کہاکہ میں دن رات دعاکرتارہاکہ ڈونلڈٹرمپ ہی کامیاب ہو۔ایک نجی ٹی وی سے گفتگوکرتے ہوئے حفیظ اللہ نیازی نے کہاکہ ڈونلڈٹرمپ کی کامیابی کےلئے دن رات دعاکرتارہاہوں ۔انہوں نے کہاکہ امریکی صدارتی امیدوارہیلری کلنٹن نے امریکہ کوتوتیسرے گیئرمیں تباہی کے دھانے پرپہنچاناتھا
لیکن اب ٹرمپ امریکہ کوپانچویں گیئرمیں ہی تباہ کردے گا۔حفیظ اللہ نیازی نے کہاکہ ٹرمپ کے پاس حکومت چلانے کاکوئی تجربہ نہیں ہے اس لئے وہ امریکہ کودرپیش اندرونی اوربیرونی مسائل کوحل کرنے کی صلاحیت نہیں رکھتے ہیں ۔انہوں نے کہاکہ امریکہ میں کوئی بھی حکمران آئے اس کی پالیسیاں مسلمانوں کے لئے ایک جیسی ظالمانہ ہونگی کسی کوخوش ہونے کی ضرور ت نہیں کہ ہیلری کامیاب ہوجاتی توپاکستان کوفائدہ تھا۔حفیظ اللہ نیازی نے کہاکہ دونوں امریکی امیدواراسٹیبلشمنٹ کے تھے اوران کواسرائیل کی پشت پناہی تھی جس کی وجہ سے ایک کامیاب ہوگیااورایک ہارگئی ۔
