واشنگٹن(این این آئی)امریکی صدر براک اوباما نے نے کہا ہے کہ سوشل میڈیا پر غیر ذمہ داری کا مظاہرہ کرنے والے شخص کو ایٹمی ہتھیاروں کا انچارج نہیں بنایا جا سکتا ۔ ڈونلڈ ٹرمپ کی سوشل میڈیا کے استعمال پر پابندی ہے۔ سماجی رابطے کی سائٹ پر ٹرمپ کا بیان ٹوئٹ ان کی انتخابی مہم ایڈٹ کرکے دیتی ہے۔میڈیارپورٹس کے مطابق ریاست فلوریڈا میں ڈیموکریٹک صدارتی امیدوار ہلیری کلنٹن کی انتخابی مہم سے خطاب کرتے ہوئے امریکی صدر کا کہنا تھا کہ ٹرمپ نہ صرف غیر ذمہ دار ہیں بلکہ ملک و قوم کے ساتھ پوری دنیا کیلئے خطرہ بھی ہیں۔براک اوباما نے کہا کہ ڈونلڈ ٹرمپ براہ راست سوشل میڈیا استعمال نہیں کرسکتے اور نہ ہی کوئی ٹوئٹ کرسکتے ہیں۔ان کی انتخابی مہم کی ٹیم ٹرمپ کے بیان،ٹوئٹ اور دیگر معلومات کا جائزہ لے کر جاری کرتی ہے۔اوباما نے سوال کیا کہ سوشل میڈیا پر غیر ذمہ دار شخص ایٹمی ہتھیاروں کا کیا حشر کرے گا، تارکین وطن کے مسائل اور میکسیکو سمیت پڑوسی ملکوں سے کیا برتاو کرے گا؟اوباما نے کہا کہ انہوں نے ہلیری کلنٹن کو ووٹ دے دیا ہے اور عوام بھی ہلیری کو بھرپور ووٹ دیکر کامیاب کریں۔انکا مزید کہنا تھا کہ ریپبلکن لیڈرزبھی ہلیری کلنٹن کوبہترین وزیرخارجہ سمجھتے تھے،ڈیموکریٹس کے دورمیں ملازمتوں کے زیادہ مواقع پیدا ہوئے۔عوامی حمایت سے بحرانوں سے نکلنے میں کامیاب رہے جبکہ ڈونلڈٹرمپ کے مشیربھی ان پربھروسہ نہیں کرتے۔عوام ڈونلڈ ٹرمپ کو مسترد کردیں گے۔