اسلام آباد (آن لائن)عوام کیلئے بڑی خوشخبری, حکومت نے شاندار اعلان کر دیا ,نیشنل الیکٹرک پاور ریگولیٹری اتھارٹی (نیپرا)نے بجلی کی قیمتوں میں 2روپے 70پیسے فی یونٹ کمی کر دی،نوٹیفیکیشن کے مطابق اطلاق ستمبر کے بلوں میں ہو گا ۔ بیان کے مطابق نیپرا نے بجلی کی فی یونٹ قیمت میں 2روپے 70پیسے کمی کر دی ہے جس کا نوٹیفکیشن بھی جاری کر دیا گیا ہے ۔نوٹیفکیشن میں کہا گیا ہے کہ بجلی ماہانہ فیول ایڈجسٹمنٹ کی مد میں ستمبر کیلئے سستی کی گئی ہے تاہم کمی کا اطلاق کے الیکٹرک کے صارفین پر نہیں ہو گا ۔ کمی کا ریلیف صارفین کو آئندہ بلوں میں دیا جائے گا ۔ نوٹیفکیشن میں مزید کہا گیا ہے کہ بجلی کی قیمتوں میں کمی کا اطلاق زرعی صارفین پر نہیں ہو گا۔