کراچی (این این آئی)میرا کیریئر ہی کیوں نہ ختم ہوجائے،2نومبر کے دھرنے میں کیا کروں گا؟ حمزہ علی عباسی نے بڑا اعلان کر دیا
پاکستانی اداکار حمزہ علی عباسی نے کہا ہے کہ 2 نومبرکے دھرنے میں ضرور شرکت کروں گا چاہے میرا کیریئر ہی کیوں نہ ختم ہوجائے۔پاکستان تحریک انصاف کے 2 نومبر کو دھرنے کے اعلان نے ملکی سیاست میں ہلچل مچارکھی ہے جس سے شوبز کی شخصیات بھی متاثر نظر آرہی ہے جبکہ گلوکار اور فنکار بھی حکومت مخالف دھرنے میں شرکت کیلئے بیتاب ہیں ۔سماجی رابطے کی ویب سائٹ ٹوئٹر اور فیس بک پر اپنی پوسٹ میں اداکار حمزہ علی عباسی نے کہا ہے کہ میں سیاست دان نہیں ہوں اور نہ ہی مجھے الیکشن میں تحریک انصاف کے ٹکٹ کی ضرورت ہے لیکن میں پاکستانی کی حیثیت سے 2 نومبر کے دھرنے میں شرکت کروں گا چاہے مجھے اس کے لیے اپنا کیرئیر اور مداحوں کو قربان ہی کیوں نہ کرنا پڑے۔

موضوعات:حمزہ علی عباسی