لاہور( این این آئی)جعلی دستاویزات پر ساؤتھ افریقہ میں داخل ہونے کی کوشش پر دو پاکستانی شہریوں کو ڈی پورٹ کر دیا گیا ،باضابطہ گرفتار کر کے تحقیقات شروع کر دی گئیں۔ بتایا گیا ہے کہ گوجرانوالہ کارہائشی رانا اعجاز اور خانیوال کارانا اختر جعلی سفری دستاویزات پردبئی کے راستے ساؤتھ افریقہ پہنچے تاہم ائیر پورٹ حکام نے انہیں گرفتاری کر کے دبئی ڈی پورٹ کر دیا جہاں سے انہیں واپس پاکستان بھجوا دیا گیا ۔دونوں کو باضابطہ گرفتاری کر کے ان سے تحقیقات شروع کر دی ہیں۔ واضح رہے کہ اس سے قبل واپس آنے والوں کو معمولی پوچھ گچھ کے بعد جانے دیاجاتاتھا۔