ممبئی( آن لائن )ہندوستانی کرکٹ ٹیم کے تجربہ کار بلے باز گوتم گمبھیر نے کہا ہے کہ ہمیں پاکستان کے ساتھ کرکٹ نہیں کھیلنی چاہیے۔
اپنے ایک بیان میں گمبھیر کا کہنا تھا کہ ‘میں اس فیصلے کی مکمل حمایت کرتا ہوں کہ جب تک بارڈر میں حالات ٹھیک نہیں ہوتے اس وقت تک پاکستان کے ساتھ نہیں کھیلنا چاہیے’۔گمبھیر کا ماننا ہے کہ پاکستان کے ساتھ کرکٹ کے علاوہ بالی ووڈ سمیت دیگر روابط بھی منقطع ہونے چاہیے۔ان کا کہنا تھا کہ ‘میں ائرکنڈیشنڈ کمرے میں بیٹھ کر یہ بات کرسکتا ہوں کہ کرکٹ اور بالی ووڈ کا سیاست سے موازنہ نہیں کرنا چاہیے لیکن بارڈر میں جو لوگ ہلاک ہوئے ہیں ان کے اہل خانہ سے یہ سوال پوچھیں تو آپ کو جواب ملے گا’۔۔

موضوعات:گوتم گھمبیر