نئی دہلی (این این آئی) متحدہ عرب امارات کے شہر دبئی میں 33 ملین درہم یعنی 9 ملین امریکی ڈالر کے برابر مالیت سے اپنی کار کے لیے ’’5‘‘ کے ہندسے کی نمبر پلیٹ خرید کی تو سوشل میڈیا پر ان کے خلاف ایک طوفان اٹھ کھڑا ہوا ہے۔ دوسری جانب راج ساہانی کو اپنیدفاع میں بیان دینا پڑا۔میڈیارپورٹس کے مطابق ساہانی کا کہنا تھا کہ وہ اگرچہ گاڑیوں کی منفرد نمبر پلیٹیں خریدنے میں دلچسپی رکھتے ہیں مگر وہ شہرت کے ہرگزخواہاں نہیں بلکہ ان کی اصل ترجیحات انسانی فلاح وبہبود کے کام ہیں جن میں وہ بڑھ چڑھ کر حصہ لیتے ہیں۔انہوں نے کہاکہ لوگ نمبرپلیٹ کی خریداری کو منفی پہلو سے اچھال کر مجھے بدنام کرنے کی کوشش کر رہے ہیں۔ حالانکہ یہ نمبر پلیٹ میں نے کسی پروپیگنڈے یا شہرت کے حصول کے لیے نہیں خریدی اور نہ ہی یہ اپنی نوعیت کا پہلا واقعہ ہے۔انہوں نے کہا کہ منفرد اور گراں قیمت نمبروں کی خریداری ان کا مشغلہ رہا ہے اور وہ ’9‘ ہندے کی نمبر پلیٹ کو اپنے لیے ’لکی‘ نمبرسمجھتے ہیں۔ انہوں نے اس سے قبل 27 کے نمبر کی پلیٹ بھی خرید کی تھی کیونکہ اس رقم کے مجموعے میں بھی 9 کا ہندسہ شامل ہے۔

موضوعات:بھارتی شہری