کراچی، لاہور( آن لائن ) قومی ٹیم کے سابق کپتان محمد یوسف کا کہنا ہے کہ جاوید بھائی نے جو الزام لگائے وہ انتہائی سنگین نوعیت کے ہیں۔ان کا کہنا تھا کہ جاوید بھائی یا تو الزام واپس لیں یا پھر ثبوت پیش کریں، اگر الزام واپس نہ لیں تو آفریدی کو ضرور عدالت جانا چاہئے۔ جبکہ راولپنڈی ایکسپریس شعیب اختر کا کہنا ہے کہ کراچی آکر میانداد اور آفریدی کی لڑائی ختم کراؤں گا۔ شعیب اختر کا کہنا تھا کہ شاہد آفریدی معاملہ کو عدالت لے گئے تو پنڈورا بکس کھل جائے گا، کئی کے نام سامنے آجائینگے انہوں نے کہا کہ جاوید میانداد کے الزامات کو لیکر شاہد ا آفریدی عدالت گئے تو کئی چہرے سامنے آئینگے اور نیا پنڈورا بکس کھل جائے گا۔شعیب اختر کا کہنا تھا کہ شاہد آفریدی کیرئیر کے اختتام پر ہیں اس لئے وہ نہیں چاہتے کہ ان پر بھی فکسر کا الزام لگے۔ انہوں نے کہا کہ وہ اس معاملے میں ثالثی کردار ادا کرنے کو تیار ہیں ، دونوں کو بٹھا کر معاملہ حل کرائیں گے۔۔

موضوعات:محمدیوسف