دبئی(نیوزڈیسک) پاکستان ویسٹ انڈیز پہلا ٹیسٹ،تیاریاں مکمل،میچ کب شروع ہوگا؟کون کون میدان میں اترے گا؟تفصیلات منظر عام پرآگئیں،پاکستان اور ویسٹ انڈیز کے درمیان پہلا ڈے اینڈ نائٹ ٹیسٹ میچ کل دبئی میں کھیلا جائیگا۔ ایشیا کا پہلا ڈے اینڈ نائٹ ٹیسٹ میچ 13 اکتوبر کو دبئی میں کھیلا جائے گا۔ پاکستان اور ویسٹ انڈیز کی ٹیمیں جیت کا عزم لیے ان ایکشن ہوں گی۔ گرین کیپس ٹیسٹ سیریز کے پہلے امتحان میں کامیابی کیلئے پریکٹس میں مصروف ہیں۔ گلابی گیند ، مصنوعی روشنیاں اور سفید وردی ، کھلاڑیوں کیساتھ شائقین بھی پرجوش ہیں۔ تاریخ کا پہلا ڈے نائٹ ٹیسٹ نومبر 2015 میں کھیلا گیا جہاں ایڈیلیڈ سٹیڈیم میں آسٹریلیا نے نیوزی لینڈ کی ٹیم کو شکست دی تھی۔ معروف کرکٹ ویب سائٹ کے مطابق پاکستان کی جانب سے میدان میں اترنے والے گیارہ کھلاڑی یہ ہونگے،سمیع اسلم، اظہرعلی، اسدشفیق، مصباح الحق(کپتان)بابر اعظم، سرفراز احمد، محمد نواز، وہاب ریاض، یاسرشاہ، محمد عامر اور سہیل خان۔میچ پاکستانی وقت کے مطابق ساڑھے چار بجے شام کو شروع ہوگا۔

موضوعات:پاکستان ویسٹ انڈیز