انقرہ (این این آئی)ترکی کے دارالحکومت انقرہ میں سیکیورٹی فورسز کے آپریشن کے خوف سے دو مبینہ دہشت گردوں نے خود کو دھماکا خیز مواد سے اڑا لیا، دونوں مبینہ حملہ آوروں کا تعلق کردستان ورکرز پارٹی سے ہے سیکیورٹی فورسز نے کارروائی کے دوران دو سو کلوگرام دھماکا خیز مواد بھی برآمد کیا۔غیر ملکی خبر رساں ایجنسی کے مطابق ترک سیکیورٹی فورسز نے دارالحکومت انقرہ کو بڑی تباہی سے بچالیا ، حکام کے مطابق ترک سیکیورٹی فورسز نے مشتبہ خودکش کار کی اطلاع پر کارروائی کی تو اس دوران دو خودکش حملہ آوروں نے خود کو دھماکا خیز مواد سے اڑالیا ، دونوں مبینہ حملہ آوروں کا تعلق کردستان ورکرز پارٹی سے ہے سیکیورٹی فورسز نے کارروائی کے دوران دو سو کلوگرام دھماکا خیز مواد بھی برآمد کیا۔