واشنگٹن(این این آئی)امریکا میں وقت سے پہلے صدارتی انتخاب کیلئے ووٹنگ شروع ہوگئی ہے۔امریکی صدر براک اوباما نے اپنا ووٹ کاسٹ کرکے 2016کے صدارتی انتخاب میں ووٹ کاسٹ کرنیوالے پہلے ووٹر بن گئے ۔امریکی ٹی وی کے مطابق امریکی صدر براک اوباما نے امریکا میں2016کے صدارتی انتخاب میں اپنا ووٹ شکاگو شہر میں کاسٹ کیا۔امریکا میں صدارتی انتخاب میں وقت سے پہلے ووٹنگ ہوتی ہے۔پہلے مرحلے میں امریکی صدر،کانگریس ارکان اور وائٹ ہاؤس حکام اپنا ووٹ کاسٹ کرتے ہیں، دوسرے مرحلے میں فوج،بزرگ شہری اوربیرون ممالک میں رہنے والے امریکی شہری اپنا ووٹ کاسٹ کرتے ہیں۔