ممبئی(این این آئی) بھارتی گلوکار ابھیجیت بھٹیہ چاریہ نے پاکستانی چارمنگ ہیرو فواد خان اور معروف ہدایتکار کرن جوہر کی گہری دوستی کو لے کر بے ہودہ الزامات لگانے شروع کردیئے ہیں۔ہندو انتہا پسندوں کی جانب سے پاکستانی فنکاروں کو دھمکیوں کے بعد بالی ووڈ کی شخصیات نے بھی پاکستانی اداکاروں پر تنقید شروع کردی ہے جب کہ فلم نگری کی کئی نامور شخصیات پاکستانی فنکاروں پر پابندی کی سخت مخالفت کرچکے ہیں لیکن اب بھارتی گلوکار ابھجیت بھٹیہ چاریہ پاکستانیوں سے نفرت میں انتہا کو پہنچ چکے ہیں۔ابھیجیت بھٹیہ چاریہ نے سماجی رابطے کی ویب سائٹ ٹوئٹر پر ہدایتکار کرن جوہر کو محبوبہ اور فواد خان کو محبوب کہہ ڈالا جب کہ اپنی ٹوئٹ میں گلوکار کا کہنا تھا کہ محبوبہ کرن جوہر ذہنی تناؤ کا شکار ہیں کیوں کہ ان کے پاکستانی محبوب فواد خان دھوکا دے کر چلے گئے ہیں اور طنزیہ انداز میں معروف ہدایتکار کو بیچاری مسز کرن جوہر خان کہہ کر مخاطب کیا۔واضح رہے کہ گلوکار ابھیجیت پاکستانی فنکاروں کی حمایت میں بیان دینے پر سلمان خان کو بھی شدید تنقید کا نشانہ بنا چکے ہیں۔