نئی دہلی (آئی این پی) پاکستانی فنکاروں کی حمایت پر انتہا پسند بھارتی رہنما سادھوی پراچی پھر زہر اگلنے لگی، سادھوی پراچی کا کہنا ہے کہ سلمان، شاہ رخ اور عامر خان کو پاکستان چلے جانا چاہیے، اس سے پہلے سادھوی نیشاہ رخ پر پاکستانی ایجنٹ ہونے کا الزام لگایا تھا۔بھارتی میڈیا کے مطابق شاہ رخ خان پر پاکستانی ایجنٹ کا الزام لگانیوالی ہندو انتہا پسند جماعت وشوا ہندو پریشد کی رہنما سادھوی پراچی ایک بار پھر بالی وڈ خانز پر برس پڑیں۔انہوں نے اپنی زہریلی زبان سے ایک بار پھر سلمان خان، شاہ رخ خان اور عامر خان کو پاکستان جانے کی دھمکی دے ڈالی، کہا کہ جو ان خانز کی حمایت کر رہا ہے انہیں بھی پاکستان چلے جانا چاہئے۔سادھوی کے دل میں یہ آگ سلمان خان کے اس بیان سے لگی جس میں انہوں نے کہا تھا کہ پاکستانی فنکار فنکار ہیں دہشت گرد نہیں۔سلمان خان کا یہ بیان انہتاپسندانہ ذہنیت کے مالک بھارتی گلوکارابھیجیت کے دل میں بھی آگ لگا گیا، انہیں دبنگ خان کے ہٹ اینڈ رن کیس میں ان کی رہائی یاد آ گئی۔وہ سپر اسٹار کو طنز کا نشانہ بناتے ہوئے بولے، ہماری قانونی مشنری کی وجہ سے سلمان خان آزاد گھوم رہے ہیں اور دہشت گردی کی حمایت کر رہے ہیں۔انہوں نے یہ بھی کہا کہ سلمان خان نے اڑی حملے سے متعلق خبریں نہیں دیکھیں بلکہ وہ آج کل پاکستانی فنکاروں کے ساتھ شوٹنگ میں مصروف ہیں۔